ازاى تنجح فى امتحان الليد - 10 نصائح

LEED Green Associate – 10 Tips & Tricks
ازاى تنجح فى امتحان الليد
نقط مهمة هتساعد اى حد انه ينجح فى الامتحان من أول مرة لو اتعملوا بشكل مظبوط

10- LEED Green Associate Candidate Handbook
دى اول حاجة هتتعمل, قراية الفايل ده كويس جدا, وده نازل مجانى للناس الى عايزه تدخل الامتحان وهتلاقوه على اللينك ده:
http://www.usgbc.org/resources/leed-v4-green-associate-candidate-handbook
وده فيه معلومات عامة عن الامتحان وعن طريقة التسجيل وازاى اختار مكان للامتحان واعمل ايه يوم الامتحان واذاكر ايه بالظبط, ولازم ارجع تانى للفايل ده قبل الامتحان باسبوع علشان اتأكد انى مش ناسى حاجة.
9- Study Guides
تانى حاجة لازم يكون الموضوع ملموم عارف كويس ايه الى هذاكره علشان اقدر احدد انا محتاج وقت اد ايه للمذاكرة
فى مواقع كتير بتقدم كتب وكورسات لليد وكلهم كويسين لكن انا بأفضل حاجة من الاتنين دول:
ده اول كتاب وده حوالى 285 صفحة, يعتبر شامل لانه مجمع كل الى المفروض يتذاكر او ممكن ييجى فى الامتحان الا بعض الاستثناءات وده هيسهل كتير على الى هيذاكر منه
الكتاب التانى
وده كتاب بسيط وسهل وده حوالى 100 صفحة بس, يعتبر مدخل للموضوع وهيحتاج من الى يذاكر منه انه يقرا اكتر فى كذا مرجع تانى, كل المراجع التانية مكتوبة ومحطوط لينكات ليها فى
LEED Green Associate Candidate Handbook
8- Flash Cards
دى تعتبر طريقة سهلة للحفظ وبتساعد الواحد انه يفتكر المعلومة, ده موقع بيقدم كمية كبيرة من الفلاش كاردز وطبعا مش لازم ان الواحد يشوفهم كلهم, لكن دول هيسهلوا جامد على الى بيذاكر
7- LEED AP Reference Guide
الامتحان مش بييجى سهل وبيحتاج دايما ان الشخص يكون قارى كتير عن الموضوع وفى بعض الاحيان بتيجى شوية حاجات من
LEED AP
وده محتاج منى انى اقرا سريعا بعض الاجزاء من الكتاب او انى اكون عارف محتوياته وعارف النقط الى موجودة فيه من غير حفظ مجرد دراية بمكوناته وترتيبه
الكتاب موجود على الموقع الرئيسى لليد
6- Simulation Exams
لازم قبل ما ادخل الامتحان انى اجرب امتحن امتحانات تجريبية قبل الامتحان الحقيقى, وده هيساعدنى انى اعرف طريقة الامتحان بيجى ازاى وطبيعة الاسئلة وكمان اقدر انى اتدرب على الوقت ودى من اهم النقط الى لازم اعملها علشان مادخلش الامتحان واتفاجىء فيه والموقع ده بيقدم مع الكتاب مجموعة من الامتحانات
قبل ما ادخل الامتحان, امتحنت امتحانات كتير من دى, ومنجحتش فى ولا امتحان, كان اعلى درجة جبتها كانت 82 من 100 والنجاح من 85, وده لان درجة التركيز فى الامتحان الفاينل اعلى بكتير من الامتحان التجريبى وكمان هتحس ان مش مهم لو جاوبت غلط فى الامتحان ده, كده كده ده امتحان تجريبى, فمفهاش حاجة لو منجحتش فيه, كده كده الفاينال حاجة تانية
5- MPR & Prerequisites
دى مجموعة من النقط جوه الليد لازم تتحفظ كويس, ودى عبارة عن اساسيات ونقاط اولية لازم تكون متوفرة فى المشروع علشان يقدر بعد كده انه يتطبق فيه الليد ولو حاجة منهم مش موجودة, المشروع مش هيكون قابل انه ياخد
Certification
4- Standards, Codes and Refrigerants
الليد بيعتمد فى كتير من ال
Credits
على مجموعة من المصادر الموثقة الى عن طريقها بيضمن الجودة لبعض المواد او بعض التقنيات ودى محتاجه انها تتحفظ كويس لانها لازم بتيجى دايما فى الامتحان وكمان المبردات وانواعها لازم تتحفظ كويس
دى بعض الامثلة للمصادر دى
ASHRAE
ASTM
SMACNA
3- Time of Study
دى بتختلف من شخص للتانى ومفيش حد مدى استيعابه هيكون زى حد تانى, فى ناس كاتبه انها ذاكرت للامتحان فى مدة قليلة جدا حوالى اسبوع وناس تانية قلت انها ذاكرت شهور علشان تعدى من الامتحان وطبعا الوقت الفاضى لكل واحد هوه الفيصل لكن بشكل عام, لو افترضنا ان الشخص هيوفر ساعتين فى اليوم بشكل منتظم و4 ساعات فى اخر الاسبوع لمدة شهر, هيقدر انه ينجح فى الامتحان بسهولة من اول مرة
2- Exam time management
الامتحان بيكون مدته ساعتين على 100 سؤال اختيارات وفى بعض الاسئلة بيكون فى كذا اجابة وفى اسئلة بتكون طويلة مش مجرد سؤال هتقراه وهتختار اجابة صح وخلاص, فى اسئلة بتحتاج تركيز جامد وفى لعب بالالفاظ جامد, لازم تكون مركز جدا وعارف كويس وقتك الى فاضل اد ايه, الوقت قليل لان فى اسئلة هتاخد وقت اسئلة تانية, متنساش نفسك فى الامتحان, انا كانت مشكلتى فى الامتحان ده انى معرفتش اقدر الوقت كويس واتزنقت جامد فيه وكنت على وشك انى اضيع اخر كام سؤال لكن لحقت نفسى فى الاخر
1- Exam skills
دى اهم نقطة, ممكن تكون داخل الامتحان ومش مذاكر كويس, او ممكن الامتحان ييجى صعب شوية, المهم انك عندك اسئلة كتير مش عارف اجابتها, ودى مرحلة لازم تكون عندك القدرة انك تعرف تستبعد الاجابات الى شاكك فيها, بمعنى ان عندك سؤال مش عارف اجابته, ممكن تبدأ تعكس وتشوف الاجابات هل تنطبق على السؤال ولا لأ, هل الاجابات دى موجودة فى نفس المكان او نفس الموضوع الى موجود فيه السؤال ولا لأ, لازم تستغل ميزة ان الامتحان اختيارات وان فى اختيارات مش بيكون ليها علاقة بالسؤال ودى نقطة ايجابية ليك, استغلها كويس لأن دى اهم نقطة هتساعد انك تنجح فى الامتحان.
Architect - LEED AP BD+C

Comments

  1. Gain unlimited access to our entire GBCI/AIA CE course library with over 100 courses developed by our industry experts as well as over 150+ GBCI/AIA Approved CE Hours based on your interests, preferences and professional needs. Check out https://www.gbrionline.org/courses/unlimited-access-subscription/

    ReplyDelete

Post a Comment

Popular posts from this blog

contact